PACITAN, Jawa Pos Radar Madiun – Proyek tol Jogjakarta-Lumajang sing bakal ngliwati tlatah Kabupaten Pacitan isih dadi angen-angen.
Merga proyek tol Pacitan iki lagi arep dibangun kira-kira 15 nganti 20 taun meneh.
Nanging ora ateges kaanane dalan-dalan neng Pacitan sing ana saiki banjur ora digatekake.
Jalan alternatif Pacitan-Solo ros Ngadirejan-Bangunsari, contone. Bakal ndang dadi amba lan mulus taun iki.
Miturut Kabid Bina Marga Dinas Perkerjaan Umum dan Penanataan Ruang (DPUPR) Pacitan Imam Syafid, saiki wis proses lelang.
Proyek jalan wisata iki klebu ing Instruksi Presiden (Inpres) 3/2023 bab Percepatan Peningkatan Konektivitas Jalan Daerah.
Kementerian PUPR liwat Direktorat Jenderal Bina Marga wis nganggarake Rp14,6 triliun
Iki total nasional kanggo nangani 2.873 kilometer dalan-dalan daerah sing ana ing tanah air.
Sawetara Kabupaten Pacitan oleh rong paket. Yakuwi ros Ngadirejan-Bangunsari sing gedhene Rp 23 miliar.
Uga ros Jalan Abdul Rahman Hakim neng tlatah perkotaan Pacitan Rp 21 miliar. Teken kontrake kira-kira 24 Mei iki.
Yen ora ana sanggahan ing proses lelang. Pekerjaan fisik bakal diwiwiti Juni wulan ngarep.
Balai Besar Pelaksanaan Jalan Nasional Jawa Timur-Bali (BBPJN Jatim-Bali) minangka pejabat pembuat komitmen (PPK) wis koordinasi karo PLN, PDAM lan Telkom.
‘’Kanggo identifikasi utilitas sing kena dampak,’’ Imam mungkasi kandhane wingi (6/5).
Angka Nyata
- Rp 24 milyar proyek dalan loro saka Kemen PUPR
- Rp 23 milyar kanggo ros Ngadirejan-Bangunsari
- Rp 21 milyar kanggo ros Jalan Abdul Rahman Hakim. (hyo/sat)