JAWA POS RADAR MADIUN – Saka pirang-pirang tembang dolanan bocah Jawa, tembang Suwe Ora Jamu klebu familiar.
Malah tembang iki uga dipopulerake penyanyi keroncong kondhang ing Indonesia, yakuwi Waljinah.
Kapethik saka pirang-pirang sumber sing diringkes laman Solo Balapan, iki makna sing ana njerone tembang iki.
Lirik tembang Suwe Ora Jamu sejatine bab kasedhihan. Nyritakake wong loro sing wis suwe ora pethuk.
Kudune, yen pethuk bakal munculake kabagyan. Nanging nyatane malah nggawe kuciwa lan ngabot-ngaboti pikiran.
Makna tembang iki uga nggambarake rasa kangen, nanging nalika pethuk malah dadi nglarakake.
Tembang Suwe Ora Jamu ngajarake kita menawa lakune urip ora mesthi cocog utawa padha karo angen-angen kita.
Mula, nalika ngadhepi kahanan sing ora trep karo pangarep-arepan, kita dijaluk ora nemen-nemen anggone kuciwa.
Saliyane kuwi, tembang iki uga nginspirasi kita tansah supaya ngadeg jejeg sanajan ngadhepi kagagalan lan rasa kuciwa.
Iki lirike tembang dolanan Suwe Ora Jamu:
Suwe ora jamu mas
Jamu godhong tela
Suwe ora ketemu
Temu pisan gawe gela
Baca Juga: WARTA JAWA | Wong Jawa Kudu Weruh, Iki Makna lan Filosofine Tembang Dolanan Cublak-Cublak Suweng
Suwe ora jamu mas
Jamu godhong meniran
Wis suwe ora ketemu
Temu pisan dadi pikiran
Kurang luwih kaya ngono kuwi makna ing sajroning tembang dolanan Suwe Ora Jamu. Piye miturutmu? (mg2/nda)
Editor : Satmiko Supraptono