KOTA MADIUN, Jawa Pos Radar Madiun – Para petani ing Kota Madiun ora pati bungah ing mangsa panen pari iki.
Jalarane, rega gabah kering panen (GKP) mudhun. Saka Rp 7.000 saiki dadi Rp 6.500 per kilogram.
Karmiati, salah siji petani ing Kelurahan Sogaten, Kecamatan Manguharjo, sing durung bisa sumringah.
Miturut Totok, rega GKP saiki pancen mudhun. Jalarane ing mangsa panen raya iki asile pancen mblunthah.
Sanajan mangkono pihake ngira-ngira sawise mangsa panen iki rega GKP bakal mundhak meneh.
Jalaran ing mangsa panen ketelu mengko wis mlebu mangsa ketiga, saengga rega GKP bakal mundhak.
‘Sejatine ya mesakake para petani sing wis nyambut gawe tenanan nanging asile ora sebandhing,’’ kandhane.
Bab kira-kira bakal ana beras impor sing bakal mlebu neng Kota Madiun, Totok durung bisa mesthekake.
Nanging, nalika dheweke melu rapat ing Surabaya pirang-pirang dina kepungkur rencana kuwi pancen muncul.
Saiki, pihake milih koordinasi lan nyurung Bulog supaya gelem nuku berase petani ing Kota Madiun iki.
‘’Saliyane kuwi, uga terus maksimalake bantuan distribusi pupuk subsidi lan panangangan irigasi pertanian,’’ Totok mungkasi katerangane. (mg1/her)
Editor : Satmiko Supraptono