PONOROGO, Jawa Pos Radar Madiun – Para petani padi ing Desa Klepu, Kecamatan Sooko, Kabupaten Ponorogo, nggeget driji.
Jalarane kaancam pusa (gagal panen). Tanduran pari sing durung umur rong wulan ora thukul kaya sing diarep.arep.
Wite pari dadi kuning garing jalaran wiwit sawulan keri iki ora entuk banyu irigasi kang nyukupi.
Mangsa ketiga iki sumur-sumur pompa petani ing desa kene asat. Saengga, lahan pertanian kena dampak kekeringan.
Joko Susilo, salah siji petani kene, kepeksa ngumbar tanduran parine mati jalaran wis ora bisa tumindak apa-apa meneh.
Saliyane ora ana udan, banyu ing sumur pompa sing diandelake kanggo pengairan persawahan uga ora nyukupi.
Kaanan sing meh kadaden sawulan keri iki ndadekake debit banyu sumur lan kali ing desa iki suda drastis.
Yen kudu njupuk banyu saka kali adoh, sumur uga asat. Mula ancaman pusa kayadene ora bisa diendani.
Malah, kadadean ngene iki meh saben taun. Mula petani mung bisa pasrah jalaran gagal panen saben taun.
‘’Biasane wis bisa dipanen sanajan isih nom, nanging wektu iki gabahe isi kopong wis garing dhisik,’’ kandhane wingi (24/8).
Kepala Desa Klepu Andreas Gimin nyathet kira-kira sepuluh hektar lahan pertanian kena dampak kekeringan ing desane.
Dheweke ngira-ngira panen suda nganti 20 persen. Lahan sing kabebas saka pusa mung sing neng pinggir kali.
Sawetara sing tadah udan dipesthekake mati (pusa), jalaran kurang banyu. Pihake ngarep-arep ana bantuan sumur saka pemkab.
Miturut dheweke, alat iki minangka siji-sijine solusi kanggo petani neng desane. Jalaran petani uga ora sanggup yen nganakake mandiri.
‘’Akeh-akeh diumbar nganti garing utawa diganti tanduran liya kaya kedelai utawa jagung,’’ Gimin mungkasi katerangane. (gen/kid)
Editor : Satmiko Supraptono